ក្រុមហ៊ុន ខ្មែរ​ ប៊ែវើរីជីស ត្រូវបានបង្កើត​ឡើងក្នុងឆ្នាំ​២០០៩ ហើយ​បាន​ក្លាយ​ជា​ក្រុមហ៊ុនផលិត​ស្រាបៀរ និង​ភេសជ្ជៈ​ឈានមុខគេនៅក្នុង​​ប្រទេសកម្ពុជា។ ក្រុមហ៊ុន ខ្មែរ ប៊ែវើរីជីស គ្រប់គ្រងដោយ​​វិនិយោគិន​ខ្មែរ​១០០%។​ រោងចក្រ ខ្មែរ​ ប៊ែវើរីជីស ប្រើប្រាស់​តែគ្រឿង​​ផ្សំ​ល្អផ្តាច់គេ​ពី​អឺរ៉ុប​ និង​បំពាក់ដោយ​សម្ភារបរិក្ខារទំនើបបំផុត​ ដែល​ដំណើរការ​ដោយបច្ចេកវិទ្យា​​​ទំនើបចុងក្រោយបង្អស់​​ពី​​ប្រទេស​​អាល្លឺម៉ង់​។​​​ បច្ចុប្បន្ន រោងចក្រនេះមាន​សមត្ថភាពផលិតស្រាបៀរ ដល់ទៅ៧លានហិកតូលីត្រក្នុងមួយឆ្នាំ។ ស្រាបៀរ កម្ពុជា​ ដ៏ល្បីល្បាញរបស់យើង​ ដែល​​ជា​ផលិតផល​ដំបូង​បំផុត​របស់​ក្រុមហ៊ុន​ ខ្មែរ​ ប៊ែវើរីជីស រក្សា​បាននូវ​គុណភាព ​​និង​រសជាតិ​លំដាប់កំពូល​របស់ខ្លួន​​ ដែលបន្ត​ផ្តល់​ជូនអតិថិជននូវ​​រសជាតិ​​ស្រាបៀរថ្មី​ប្លែក​។​ ក្រុមហ៊ុន​បានពង្រីករោងចក្រ និងផលិតភាពរបស់ខ្លួនដំណាក់កាលទីបី ដែលការពង្រីកសង្វាក់ផលិតកម្មនេះត្រូវបានបញ្ចប់ជាស្ថាពរក្នុងឆ្នាំ២០១៧ ដែលអនុញ្ញាតឲ្យរោងចក្របង្កើនសមត្ថភាពផលិត និងបង្កើតផលិតផលថ្មី រួមមាន ស្រាបៀរ គូដូ (KUDO) ស្រាបៀរស្តោត Barrley Black ភេសជ្ជៈប៉ូវកម្លាំ វើក (WURKZ) ទឹកក្រូច អាយស៍ (IZE) ទឹកផ្លែឈើ ជូប (Joop) និងទឹកបរិសុទ្ធ កម្ពុជា។